දූෂණ වංචාව වැළැක්වීම,, ප්‍රජාතන්ත්‍රවාදය තහවුරු කිරිම වදන්වලින් කන් පිරීගිය ජනාධිපතිවරණ මැතිවරණයක් අවසන් වී දැනට වසරක් පමණ ගතවී අැත. සැබෑ ලෙසම පැවති පාලනය බිද දැමීම තුළ තිබු සැබෑ ජනමතය වූයේද දූෂණය වංවාව නතර කිරීම හොරුන් අැල්ලීම ප්‍රජාතන්ත්‍රවාදය තහවුරු කිරීමයි. අලුතින් පත්කරගන්නා පාලන තන්ත්‍රයේ ඒකායන අභිප්‍රාය විය යුත්තේද එම ජනමතයමය. එය හුදෙක් අපගේ චිත්ත අවකාශයේ ගොඩනැගෙන දෘෂ්ටිවාදයයි. යතාර්ථය තුළ එය හුදෙක්ම පරිකල්පිත දෘෂ්ටිවාදයක් පමණකි. පාලනය භාරගෙන දින කිහිපයක් තුළම සහෝදර සංග්‍රහය දුටුවෙමු, පැටවු ගැසූ අැමති මණ්ඩලයක්ද මතු විය. ගත් කටටම දුටු වෙනස එයයි. වෙනසක් සෙවූ ජනයාගේ දෙෙවයේ සරදමක් ලෙස මෙතෙක් කල් එජාපය විසින් දූෂිතයන් මිනීමරුවන් ලෙස හංවඩු ගැසූ ශ්රීලංකා මන්ත්රීවරුන්ද අාණ්ඩුවට හවුල් කරගැනීම සිදු විය.
අගමැතිවරයාගේ ගජ මිතුරකු වූ විදේශිකයකු වූ අර්ජුන් මහේන්ද්‍රන් ගෙන්වා ගෙන වහාම පුරවැසිභාවය ලබා දී ලංකා අාර්ථිකයේ මරමස්තානයේ අධිපතිවරයා කරවිය. ලංකා ඉතිහාසයේ දූෂිතම බැදුම්කර වංචාවට සිදු වූ පසු ගජ මිතුරා බේරා යැවීමට මිස්ටර් ක්ලීන් ගත් උත්සාහයද සාර්ථක විය. දින සියය තුලම සිදුවූ මෙම වංචාව යහපාලන නායකයන්ගේ දූෂිතයන්ට දඩුවම් දීමේ සැබෑ උනන්දුව මනාව පැහැදිලි විය. මින් පෙනීයන කරුණ නම් යහපාලන රජය තුළද සිදුවූයේද සුපුරුදු දූෂිත පාලන යාන්ත්‍රණයක් ක්‍රියාත්මක වීමක් පමණි. යහපාලනයේ මූලිකම අරමුණක් වූ 'හොරු අැල්ලීම' හුදෙක්ම මාධ්‍යය සංදර්ශනයක් පමණක් විය. වසරක් ගත වී අැතත් එකදු හොරෙකු අල්ලා ගැනීමට යහපාලකයන් සමත්කමක් දක්වා නැත. ඒ වෙනුවට හොරුන් ලෙස ඔවුන්ම පහර ගැසූ පිරිස් සමග මේ වනවිට එක වහලේ යට අැමතිකම් කරමින් සිටී. රිමාන්ඩ් භාරයට පත්වූ පිරිස්ද දෑත් ඔසවමින් සිනහ මුසු මුහුණින් ගෙවන වාට්ටුවට අැතුල් විය.
ජනතාවගේ සිහින දිනෙන් දින බිද වැටුනද යහපාලකයන්ගේ අරමුණු නම් සාක්ෂාත් කරගැනීමට සමත් විය. අැමති ධූර, නිල රථ, ඉන්ධන දීමනා, නිල නිවාස සහිතව වසර 10ක සිට අහිමිව ගිය සියලු වරප්‍රසාද සියල්ල බුක්ති විදිමට මග පෑදිණි. මෙසේ යහපාලනය ජනමතය ඉවත දමා සුපුරුදු දූෂිත ගමන් මගේ ගමන් ගන්නා විට එල්ලවන ජනතා විරෝධයෙන් මිදීමට බිද වැටුණු රාජපක්ෂ පාලනයේ පිහිට පැතීමට යළි සිදුවිය. 'එදා මෙහෙමයි' , 'මහින්ද කරේ මෙහෙම' යන වාක්‍ය ඛණ්ඩ උදේ හවස මැතිරීම හැර විකල්පයක් යහපාලකයන්ට නොවීය. දූෂිත බැදුම්කර වංචාව සිදුවූ අවස්ථාවේදීද අගමැතිවරයාට සිදුවූයේ රාජපක්ෂ හා කබ්රාල්ගේ පිහිටෙන් තමන්ගේ විලි වසා ගැනීමට උත්සහ ගැනීම පමණි. මින් පැහැදිලි වන්නේද යහපාලනය බිහිකිරීමට පමණක් නොව යහපාලනයේ විලි වසා ගැනීමට රාජපක්ෂ සාධකය අත්‍යවශ්‍යව අැති බවයි. ජනවාරි 8ට පෙර පෙන්වූ 'ශුද්ධ වූ වෙනස' සහමුලින්ම දියාරු වී ගිය බව සියලු දෙනාට දැන් පැහැදිලිය.
නමුත් අගෝස්තු 17න් පසු පත්කරගත් රජය පසුගියදා ඉදිරිපත් කළ අයවැය යෝජනාව තුළින් පෙර යන්තමින් තිබූ සැනසුම් සුසුම්ද අකා මකා දමමින් ජන පීඩක, ගජ මිතුරු සංග්‍රහවාදී අාර්ථික ප්‍රතිපත්තියක පිහිටා ඉදිරි වසර පහක කාලයක් ගත කිරීමට ජනතාවට සිදුවන බව සක් සුදක් සේ පැහැදිලිය. පාසල් සිසුවාගේ නිල අැදුමට අත තබා දැන් එය අවුල් ජාලයක් වී දරුවන් දෙමාපියන් ගුරුවරුන් විදුහල්පතිවරුන්ට දුෂ්කරක්‍රියා කල යුතු තත්වයකට අැද දමා අැත. රාජ්‍ය සේවකාගේ විශ්‍රාම වැටුප කපා දැමීම රාජ්‍යය සේවය කප්පාදු කිරීමේ දැවැන්ත උත්සාහයකි. වාහන බලපත්‍ර වරප්‍රසාදයද කප්පාදු කර අැත. හෙද නිල අැදුම් දීමනාද කප්පාදු කර අැත. වෙෙද්‍යවරුන් සතුව තිබූ දීමනාද අහිමි කර අැත. පරිසරය අාරක්ෂා කිරිමට දුම් පරීක්ෂා කිරීමේ ගාස්තු ඉහල දමන අතර පරිසර හිතකාමී විදුලි මෝටර් රථ අානයන බද්ද 25%කින් ඉහල දැමීම එකිනෙක පරස්පරය. පොහොර සහනාධාරය කප්පාදු කර මුදල් ලබා දීම ගොවියන්ගේ ඉල්ලීමක් ලෙස අැමතිවරයා පැවසීම ගොවීන්ටම ගැටලුවක් වී අැත.
ගජ මිතුරු සංග්‍රහය , දේශීය හා විදේශීය බහුජාතික සමාගම්වලට මෙරට ජනයා කොල්ලකෑමට අවශ්‍ය පහසුකම් සලසා අැත්තේ බදු සහනද සහිතවය. ජේම්ස් පැකර්ට බදු සහන ලබා දෙනවිට මොරදුන් එජාපය අද ඊට සුජාතභාවය ලබා දීමේ පෙරටුගාමී කාර්යය ඉටුකරමින් සිටී. මෙරට ඉඩම්, කර්මාන්ත අැතුළු සමස්ථ අාර්ථිය සහමුලින්ම විදේශයන්ට විවෘත කරමින් අාණ්ඩුව මේ ගමන් කරන්නේ මුලුමුනින්ම නව ලිබරල්කරණය වූ ජන පීඩක අාර්ථික ප්රතිපත්තියක් බව ඉතා පැහැදිලිය.
ඉදිරියට පැහැදිලි ගැටලුවක් අැත. මෙම විනාශකාරී අයවැය පරාජය කිරීම පාර්ලිමේන්තුව තුළ සිදුවීමේ සම්භාවිතාව සහමුලින්ම අවහිර වී අැත. හවුල් අාණ්ඩුව ඉතා ශක්තිමත්ය. දැන් මෙම විනාශකාරී අයවැය පරාජය කර අයිතීන් දිනා ගැනීම සහමුලින්ම බැර වන්නේ පාලනය පත්කර ගැනීමට දායක වූ දායක නොවූ ජනතාවටමය. මහපොලොවේ අරගලයෙන් තොරව තම අයිතින් දිනා ගැනීමටත් විනාශකාරී ගමන වැළැක්වීමටත් ජනයා පෙළගැසීම වහා සිදුවිය යුතුය.
No comments:
Post a Comment